Seydi Charyyev
Full Stack JavaScript inženeri · React Native
Open Source Turkmenistan
Türkmenistanda döredilýän açyk kodly programma üpjünçiligi
Şapak Apps — türkmen dilinde işleýän, açyk kodly we mugt programmalar döredýän jemgyýet. Kod GitHub-da, programmalar dükanlarda.
Maksadymyz
Türkmen dilinde programma üpjünçiligi az. Dünýä programmalary iňlis dilinden öwredýär, rus programmalary rus dilinden. Türkmen ulanyjy üçin ýazylany welin az.
Biz şol boşlugy doldurýarys — okuw taslamalary bilen däl-de, hakykatdan hem goýberilýän programmalar bilen. Ýazan kodyň dükandaky programma düşýär.
Açyk kod bu ýerde goşmaça däl, ikinji önüm: türkmen dilinde kod barlagy geçirilýän janly programmada ilkinji Pull Request etmäge başga ýer ýok.
Ýörelgeler
Açyk kod
Ähli repozitoriýalar açyk. MIT, Apache-2.0 we GPL-3.0: alyp bolýar, üýtgedip bolýar, öz işiňde ulanyp bolýar.
Internetsiz
Programmalaryň hiç biri internet talap etmeýär. Türkmenistanda internet gymmat we haýal — bu tehniki karar hem, garaýyş hem.
Mahabatsyz we tölegsiz
Dükandaky programmalar mugt, mahabatsyz we hiç hili maglumat ýygnamaýar. Gizlinlik syýasatlary aşakda.
Türkmen dilinde
Interfeýs türkmen dilinde. Kod barlagy türkmen we rus dillerinde geçirilýär — iňlis diliň gowşak bolsa-da päsgel däl.
Taslamalar
Häzir iki ugur bar. Dil öwrediş programmalary — Ykjam Terjime, Hytaý dili 1, Iňlis dili 1 — we gurallar: Köpri, BluePlayer, Küşt. Hemmesi açyk, hemmesi GitHub-da.
Esasy ünsümiz dil öwrediş liniýasynda. Hereketlendiriji bir, her täze dil — diňe täze mazmun we täze nyşan, şonuň üçin her indiki programma öňküden çalt çykýar.
Öz açyk kodly taslamaň bar bolsa we ony türkmen jemgyýetiniň içinde ösdürmek isleseň — hat ýaz. Repozitoriý guramanyň astyna geçýär, awtorlyk seniňki bolup galýar.
Adamlar
Şapak Apps — bir adamyň studiýasy däl. Taslamalar dürli awtorlardan gelýär, hemmesi bir guramada we bir düzgün bilen: açyk kod, açyk meseleler, düşnükli dilde barlag.
Goşant goşmak
- Täze gelenler üçin meseleleri aç — olar kiçi we anyk bölünen, ilkinji Pull Request üçin amatly.
- Repozitoriýany klonla we onuň README-däki gurnama ädimlerini ýerine ýetir.
- Kiçi Pull Request aç — uly üýtgetmeden gowy.
Näme wada berýäris
- Kod barlagy türkmen we rus dillerinde geçirilýär.
- Her Pull Request-e birnäçe günüň içinde jogap berilýär.
- Kabul edilen kod indiki goýberilişe düşýär.
Habarlaşmak
shapak.apps@gmail.com — türkmen, rus ýa-da iňlis dilinde ýazyp bolýar.